KALIBO,Aklan– Nagpadumdom ro Municipal Agriculture Office it lokal nga gobyerno it Kalibo sa mga hog raisers nga maging responsable eabi eon kon tinamaan it African Swine Fever ukon ASF ro andang alagang baboy.
Raya hay kasunod it nakit-an eon man nga naga-eotaw nga patay nga baboy sa Aklan river nga sakop it Brgy. Tinigaw, Kalibo.
Raya nga insidente hay bukon eamang it ro unang kahigayunan bangud nga nauna eon nga may nakit-an man nga kaparehong sapat sa irigasyon nga sakop it Brgy. Tigayon ag Estancia it nasambit nga banwa.
Suno kay Dra. Janna Rose Nepomuceno, Municipal Veterinarian I it MAO Kalibo nga indi eon raya paghimuon sa baylo, ieubong eon lang agud nga inde eon makahalit sa iba pang sapat nga nagakabuhi.
Mag-eowas kara, kon makit-an nga may sintomas eon it ASF virus ro andang sapat hay inde eon pagkatayon ag ipanupod sa kaeapit baeay kundi idiretso eon lang raya it eubong.
Sa makaron hay 14 eon nga barangay sa banwa it Kalibo ro tinamaan it ASF virus.
