KALIBO, Aklan—Nagaeaum ro mga tricycle drivers sa probinsiya it aklan nga magadere-deretso eon ro andang manami nga biyahe kadungan sa uman nga pagbalik it limited in-person classes umpisa makaron nga adlaw it Lunes.
Suno kay Roderick de Justo, driver it Numacia-Kalibo vice versa nga medyu nagdasig eon ro pagguwa makaron it andang mga unit sa terminal.
Apanng nagapabilin nga minimal eamang ro andang kita bangud nga kadungan it pagtaas it numero it mga pasahero hay nag-abu man ro mga unit it tricycle nga nagbiyahe.
Samtang, may ID man ukon owa nga gina-presentar, nagatau sanda it discount sa mga estudyante ag senior cittzens nga ap-at nga piso.
Raya hay halin sa andang regular nga pamasahe nga P20.
Sa pihak nga parte, dismayado sigon sanda sa uman nga pagtaas it presyo it produktong petrolyo hin-aga nga adlaw it Martes.
Suno kay de Justo nga kabay nga itau eon ro ginpromisa kanda nga fuel subsidy agud nga makapahagan-hagan sa kalisod nga nabatyagan.
