Naging madinaeag-on ro ginpatigayun nga forum it mga hog raisers sa bilog nga probinsya it Aklan

KALIBO, Aklan—Naging madinaeag-on ro ginpatigayun nga forum it mga hog raisers sa bilog nga probinsya it Aklan ko adlaw it Sabado.

Suno kay Alice Manlabao, Officer-In-Charge it Aklan United Hog Raiser Association nga tuyo kara nga magbuylog ro mga hog raisers nga indi magnaba sa P150 ro igapatuman nga presyo sa kada kilo it buhi nga baboy.

Ginkasugtanan man sigon nanda nga indi pag-ibaligya ro mga alagang baboy kung magnaba sa P150 ro iga-sumbil nga presyo it mga middleman.

Gin-insister pa ni Manlabao nga masyado eon sanda nga lugi bangud sa kamahae nga presyo it feeds sa merkado.

Haeos kada dominggo suno kana hay nakakaangkon it pagtaas sa presyo it feeds rason nga kinahang-ean nanda nga eagson ro andang kapital.