KALIBO, Aklan—Nakalista it 14 nga bag-ong aktibong kaso it COVID-19 sa banwa it Kalibo.
Sa nasambit nga numero, lima kara ro bag-ong kaso kun sa siin kaibahan kara ro sangka nabdos ag sangka eapsag.
Sa datos it Municipal Health Office, naga-abot eon sa kabilugan nga 3,780 ro kaso it makamaeatay nga sakit umpisa nga magtuhaw ro pandemya.
Kapin sa 3,634 ro nagmayad eon ag 133 ro binawian it kabuhi.
Ginpaathag ni Dr. Joanna Marie Magpusao-Ignacio, Rural Health Physician it Kalibo nga kaeabanan sa mga mild cases hay ginpakamayad nanda nga mag-home quarantine eon lang samtang ro ibang pasyante hay gindaea sa ospital ag padayun nga gina-obserbahan.
Sa pihak nga parte, gin engganyo ni Dr. Ignacio ro publiko nga magpabakuna ag magpa-booster shot bilang dugang nga proteksyon.
Kada Huwebes suno kana hay may schedule sanda nga vaccination sa covered court it kalibo pastrana park alas-8 it agahon hasta alas 3 it hapon.
Haeos 75 porsiyento pa eamang sigon ro nagpabakuna kontra sa COVID 19 samtang masyadong manaba ro nagpa-booster shots nga naga-abot sa 6 to 7%.
Dapat sigon nga likawan nga magpa-kampante bangud nga una pa sa palibot ro COVID.
