NATIONAL News — Nagapanawagan ro Department of Energy (DOE) sa pribadong sektor nga magtipid it produktong petrolyo sa tunga it nagapadayon nga giyera sa Middle East.
Suno kay DOE Secretary ag Inter-Agency Energy Efficiency and Conservation Committee (IAEECC) Chairperson Sharon Garin, owa pa it kasiguraduhan kon hin-uno mangin estable ro supply it produktong petrolyo bangud sa tensyon sa Middle East.
Raya suno kana ro rason kon ham-an nga ginasueong makaron it DOE ro nationwide fuel conservation sa pribado nga sektor.
Sa pahayag nga ginpaguwa it DOE, may listahan ro ahensya it pilang fuel efficiency ag conservation practices nga dapat ipatuman it tanan nga entity it gobyerno.
Kaeakip kara ro regular ag preventive maintenance sa mga saeakyan, paggamit it standardized vehicle monitoring systems ag paggamit it de-kuryente ukon hybrid nga mga saeakyan.
Ro advisory hay kaparte sa katuyuan it Government Energy Management Program nga mabawasan ro konsumo it petrolyo it 10%.
