KALIBO, Aklan—Uman nga ginapatuman ro pagpakita it negatibong resulta it RT-PCR tests para sa mga turistang maghalin sa guwa it Aklan ag gustong magbakasyon sa isla it Boracay.
Suno kay Malay Tourism Officer Felix Delos Santos nga sandig sa pinakabag-ong Executive Order nga ginpaguwa ni Aklan Governor Florencio Miraflores nga uman nga ginakinahangean ro negatibong resulta it RT-PCR test matapos nga ginpaidaeum ro National Capital Region ukon NCR sa Alert Level 3.
Dugang pa kara maskin fully vaccinated eun kontra covid-19 hay kinahangean man sa gihapon nga magpakita it negatibong resulta it nasambitan nga test.
Samtang hugot man nga ginabawaean ro mga 12 anyos panaba.
Nasayuran nga umpisa nga uman nga nagpatuman it hugot nga pagsinoeondan ro lokal nga gobyerno hay naapektuhan man ro numero it mga turista nga nagabista sa isla.
Maghalin sa dating 3,000 hasta 4,000 nga nailistang mga turista kada adlaw hay naga-abot eun lang makarun sa masobra 200.
