KALIBO, Aklan—Gin-engganyo it National Food Authority (NFA) ro mga pumueoyo nga indi magkahadlok sa nagapadayun nga epekto it Rice Tarrification Law sa nasyon.
Suno kay Mr. Andy Ostan, Provincial Standards Quality Assurance Officer it NFA-Aklan, nagapadayun nga stable ukon owa it mabahoe nga deperensya sa presyo it pamaeak-ean it paeay sa lugar.
Maskin pa nga tig-aeani makarun sa nagkaeain-eain nga lugar hay indi eon man suno pa kana magnubo ro presyo it paeay.
Nagabakae man ro andang taeatapan sa presyong P19 kon sa siin mas mataas raya kumpara sa presyo sa merkado nga nagaabot sa P15 hasta it P17 eamang.
Ginpabutyag dugang nga bastante ag owa it problema sa stock it paeay ro probinsya apang kung magnubo gidman ro presyo hay bangud sa nagabaha nga mga imported rice.
Ro mangunguma man mismo ro naga-desisyon nga magpanubo it presyo ko andang ani nga paeay bangud nalisdan eun sanda nga mag-usoy it buyers rason nga gina-bargain eun lang para indi masamad ag mapuslan pa ro andang ginkabudlayan.
