SOUTH KOREA – Nagapahaom sigon ro North Korea nga magpadaea it mas maabo nga tropa kara sa Russia matapos maubos ro numero kara sa Ukraine ag Russia war.
Suno sa naging pahayag it South Korea, nagapahaom man sigon ro North Korea nga mahimo sigon it test-fire it andang intercontinental ballistic missisle hasta nga mag-abot sigon sa Estados Unidos kun sin kun siin nasasayuran it pilang eksperto nga malabo nga maghimo sigon si North Korean leader Kim Jong Un it mga tikang nga magapalala it relasyon kara kay US President Donald Trump.
Apang, nakikita man sigon ni Kim Jong Un mas mapabaskog kara ro nuclear program it North Korea kun makipagbuligan raya kay Russian President Vladimir Putin kumpara sigon sa naging istorya nada ni Trump ku 2018-2019 summit.
Matandaan nga sambilog ro North Korea sa nagtao it mabahoe nga suporta sa Russia kun siin nagpadaea raya it mga artillery ag iba pang conventional weapons, kaibahan eun kara ro pagpadaea it north korean soldier nga nagaabot sa 12,000, kabaylo sigon ro pagtao it Russia it mga makabag-ong kagamitan nga mahimo makapag-develop it nuclear weapon it North Korea.
Samtang, pahayag man ni South Korea spy agency ku nagtaliwan nga dominggo nga ginabuebanta nga una sa 300 nga sundalong North Korean ro namatay ag magsobra 2,700 man ro naninahan.
Eain ku unang bahin it Enero,matapos kumpirmahon ni Ukraine President Volodymyr Zelenskyy nga una sa 4,000 ro numero it mga namatay o naninahan nga North Korean soldier.
Samtang, sa pagbuebanta man it Estados Unidos hay mas manaba, nga naga-abot eang sa 1,200 nga mga North Korean soldier ro namatay.
