INTERNATIONAL News —- Nagapahaum eon ro North Korea sa mahabang giyera ukon pakikipagbakbakan sa Estados Unidos.
Raya ro ginpahayag ni North Korean Supreme Leader Kim Jong Un matapos kumpirmahon nga naglunsar sanda it panibag-ong missile test, kahapon.
Ginkumpirma pa ni Kim nga ginpaeupad nanda ro pinakamabahoe ag pinakabag-o nanda nga intercontinental ballistic missile nga Hwasong-17 nga nahueog sa kaeawran nga sakop it Exclusive Economic Zone it Japan.
Raya ro kauna-unahang full-range missile test nga ginmandu ni NoKor Supreme Leader Kim umpisa ko 2017.
Suno sa NoKor, preparado man ro andang strategic force agud nga mapugngan ro anumang hana nga pag-atake it Amerika.
Samtang, nagpueong eon sanday US President Joe Biden ag Japanese Prime Minister Fumio Kishida sa G7 Summit sa Brussels, Belgium ag nagkasugot nga magabueuligan agud nga pasabton ro NoKor.
