KALIBO, Aklan — Pormal eon nga magapungko sa anang pwesto bilang officer-in-charge regional director it Department of Education Western Visayas si Dr. Cristito Eco.
Si Eco hay dating assistant regional director it DepEd National Capital Region .
Suno kay DepEd Region 6 spokesman Hernani Escullar Jr., nga ko Biyernes, Mayo 2 hay ginpatigayon ro ceremonial oathtaking nga ginpangunahan ni DepEd National Capital Region regional director ag presenteng OIC-Assistant Secretary for Operations, Director Jocelyn Andaya.
Imaw man ro nagpanguna sa pagbutang it mga nagapangunang opisyal para sa Western Visayas ag Negros Island Region (NIR).
Ginpromisa sigon ni Dr. Eco, sa anang diskurso ro dedikasyon sa inobasyon ag mayad nga paghatod it mga nagapanguna nga serbisyo sa edukasyon.
Dugang pa nga hugut nga makikipagbueuligan sa mga manugturo, administrador, ag iba pang mga stakeholders it edukasyon.
Samtang, ginpahayag ni Escullar nga si Dr. Ramir Uytico hay ro magiging kauna-unahan nga regional director para sa NIR, ag si Schools Division Superintendent Anthony Liobet ro unang OIC-Assistant Regional Director.
Sa pihak nga parte, nagaeaum sigon ni Dr. Uytico nga pagapadayunon ni Eco ro mga programang anang ginpatuman.
