KALIBO, Aklan—Gintambungan it libo-libong katawo ro opening of Christmas lights nga ginpatigayon it lokal nga gobyerno it Kalibo sa Pastrana Park.
Ginkalipay it tanan ro ginakabig nga magical pyro musical fireworks display kon sa siin nagbuhay raya it pilang minuto.
Pagkatapos kara hay pilang ka mga Ati-Atihan bands ro nagpasundayag nga mas pang nakatao it grabeng kasadya sa mga tumaean-aw bangud sa uwa nanda pagpaeampasa ro pagsadsad.
Mag-eowas kara hay may pila man ka mga local and national bands ro nagtao it kasadyahan kon sa siin nagperform ro mga raya sa mismong grand stand it Kalibo Pastrana park.
Ginatos ka PNP personnel ag iba pang force multipliers ro gindeploy sa ginakabig nga festival zone area agud nga masikyar ro kalinungan ag katawhayan it nasambit nga aktibidad.
Apang, may una sa gihapon nga pila ka mga grupo it pamatan-on ro nagkriar it kinagamo nga nataeopangdan nga una sa idaeom it impluwensya it aeak.
Gilayon ro mga raya nga ginpanghimos it pulisya ag gindaea sa taeatapan it Kalibo Municipal Police Station.
