KALIBO, Aklan—Mas pang ginpabaskog it Bureau of Fire Protection (BFP-Numancia) ro andang “Oplan Paalala, Iwas Paputok” campaign bilang pagpadumdum sa selebrasyon it paskwa ag pagsug-aeaw sa bag-ong dag-on.
Suno kay SFO2 Richie Anthony del Rosario, Deputy for Operations it BFP-Numancia nga raya hay pinaagi sa pagpatigayon it rekorida sa mga kabarangayan kun sa siin ro andang fire truck nga may address system hay nagalibot ag gina-anunsyo ro mga fire safety tips nga nagatuyo nga masiguro ro proteksyon it publiko makaron nga holiday season.
Samtang, umpisa disyembre 23 hasta enero 1, 2023 ro bilog nga pwersa it BFP hay igapaidaeum sa full alert status code red.
Kadungan kara, gin engganyo ni SFO2 del Rosario ro publiko nga likawan nga maggamit it paeupok para sa eowas nga selebrasyon it paskwa ag bag-ong dag-on.
Pila sa mga fire safety tips kara hay ro pag-unplug ukon pagbo-oe sa saksakan it mga electrical appliances; magamit it christmas lights nga may PS mark ukon ICC sticker; insigidang ipaayos ro mga depektibong linya it kuryente sa sueod it baeay; likawan ro octupos connection; pirmeng i-check ro hose it LPG ag isarado ro regulator pagkatapos nga mag-eaha.
