KALIBO, Aklan — Nakatipon it reward money nga P40,000 para sa sin-o man nga makaturo ukon makatau it impormasyon sa suspek sa paghimueos ag pagpatay sa 13-anyos nga dalagita sa Brgy. Unidos, Nabas .
Madumduman nga ro biktimang si Jillian Pateno hay nasapwan nga nakahapa sa kilid it sapa nga may mabahoe nga nina sa ueo nga medyu gin-eampusan it bato, mga gaob sa nagkaeain-eain nga parte it eawas ag owa it eambong nga pang-ubos.
Nauna eon nga ginpahayag ni PMaj. Jose Mark Anthony Gesulga, OIC it Nabas Municipal Police Station nga may persons of interest eon sanda sa krimen .
Unang nagtanyag it P20,000 nga bounty money ro pamilya it biktima nga idtu sa abroad samtang ro mga residente ag iba pang concerned citizens sa lugar hay nag-aeamutan man para sa reward rason nga nag-abot eon ro kabilugan nga kantidad sa P40,000.
Presenteng gina-imbestigahan it kapulisan ro insidente kun sa siin ginpromisa ni Maj Gesulga nga pagahimuon ro mga nagakaigo nga tikang agud nga mataw-an it hustisya ro biktima.
Ginatinguhaan man it kapulisan nga mausisa ro footages it CCTVs sa lugar ag nagapatigayon it re-tracking investigation .
May tatlong indibidwal ro gin-imbitahan sa estasyon it pulisya ag ginpaidaeum sa pagpanguta bilang kaparte it imbestigasyon.
Nagapabilin nga owa pa nakita hasta sa makaron ro cellphone it biktima.// si Pateno hay nauna eon nga nakumpirma nga biktima it rape base sa resulta it autopsy .// padayun nga nagapangayo it hustisya ro pamilya it namatay nga dalagita.
