KALIBO, Aklan—Dismayado ro sangka residente it Brgy. Polo, New Washington matapos nga madaeasa ro anang pader ag eugta sa ginapatigayun nga road widening project it Department of Public Works and Highways (DPWH).
Gintaw-an it punto it tagreklamo nga si Ricardo Arboleda nga owa nagsunod ro mga tawuhan it DPWH sa andang nakasugtanan sa ginhiwat nga public hearing sa barangay.
Gina-kwestiyon sigon nana ro pag-guba sa anang pader ag eugta nga owa it nagakaigo nga koordinasyon ag assessment.
Ro nakasugtanan sigon nanda hay dapat anay nga bue-an it litrato ro propiedad antes nga gub-on.
Gusto eamang sigon nana nga ipaabot ro anang concern para magserbing awareness sa iba pang pumueoyo nga makaangkon it kaparehas nana nga eksperyensya.
Ginpahayag dugang nga gusto nana nga ipaagi sa legal nga proseso ro pagpaabot it reklamo agud nga mataw-an it nagakaigo nga aksyon.
