Ginklaro it Regional Police Drug Enforcement Unit 6 nga owa it naga-eksister nga drug group sa Western Visayas.
Suno kay PCAPT Ryan Christ Inot, team leader it RPDEU-6 nga ro mga nagakadakpan ag naga-operate sa Western Visayas makaron hay ro mga tawuhan it una nga mga drug lord nga nagpaeanago ag naggueuwa eon.
Ginpahayag pa kara nga puro mga mabahoe ro volume it recoveries it illegal drugs sa mga police operations bangud nga trans shipment ro Western Visayas ag maabu eon ro na-engganyo nga magsueod sa nasambit nga negosyo bangud haeos tanan online eon ro transaksyon.
Sa pihak nga nabudlayan makaron ro mga kapulisan sa pagmonitor sa mga online transactions it mga illegalista apang naga-coordinate sanda sa mga ahensya it gobyerno kapareho it Philippine Drug Enforcement Agency, Regional Anti-Cybercrime Unit ag iba pa.
