KALIBO, Aklan—Ginpaathag it sangka registered nurse sa Sydney, Australia nga bukon eon it bag-o ro pag-angkon it nagkaeain-eain nga variant it COVID-19.
Raya hay kasunod it nadiskubrehan nga XBB.1.5 variant nga naga-eapnaag makaron sa China.
Suno kay Bombo International Correspondent Denmark Suede nga gina-ekspektar eon ro bag-ong variant kada doming.
Base sigon sa pagtuon it World Health Organization (WHO), ro XBB.1.5 hay ro pinakamadasig nga magkalhit nga klase it variant it COVID-19.
Angot kara, nagpatuman eon it mga paghugot ro pilang western countries ag iba pang mga nasyon.
Epektibo Enero 5 hay nagpagguwa sanda it bag-ong guidelines sa tanan nga mga traveler halin Mainland China, Hong Kong ag Macau kung siin kinahang-ean nanda nga magpakita it negatibong resulta it Rapid Antigen Test ukon RT-PCR test, 48 oras antes ro andang pagsueod sa border.
