KALIBO, Aklan—Makabig nga sangka honorary position eamang ro pag-appoint ni Pangueong Ferdinand “Bongbong” Marcos Jr. kay Director Paul Soriano bilang Presidential Adviser for Creative Communications rason nga piso eamang ro pagabatunon kara sa sueod it sang dag-on.
Suno kay Atty. Axel Gonzales, sangka batikan ag kilaea nga abogado sa probinsya it Aklan nga ro trabaho ni Soriano hay nakalinyada sa pagkriar it anggulo ag makipag-coordinate sa media.
Ginhalimbawa ni Atty. Gonzales ro natabo sa kauna-unahan nga State of the Nation Adress (SONA) it pangueo ko Hulyo kung siin si Soriano ro naging director.
Buot hambaeon kara, imaw ro magapanguna sa pag-organize it mga event it pangueo.
Naayuran nga gumankon ni First Lady Liza Arante Marcos si Direct Paul.
