KALIBO, Aklan — Ginkumpirma it pamunuan it Civil Aviation Authority of the Philippines (CAAP)-Aklan nga mag-eowas nga exempted eon ro mga estudyante sa pagbayad it P200 pesos nga terminal fee para sa domestic flights hay naga-refund man sanda para sa mga dating plane ticket nga nabakae nga may kaibahan pa nga terminal fee.
Suno kay CAAP-Aklan Manager Engr. Eusebio Monserate, Jr. nga may gin-deploy sanda nga tawuhan sa check-in area agud nga mag-asiste sa mga estudyante.
Ginpahayag dugang nga umpisa Agosto 1 hay owa eon nagabayad it terminal fee ro mga estudyante nga enrolled halin it pre-school hasta kolehiyo sa domestic destination.
Kaeakip man sa exemption ro mga estudyante halin sa technical ag vocational schools, maging ro mga una sa training centers.
Kinahang-ean eamang suno kana nga magpakita it lehitimo nga identification card ag magfill-up it pormas nga makit-an sa nasambit nga paeuparan agud nga makabu-eo it certificate of exemption.
