NATIONAL News —- Nakalista it pilang pagbaha ag landslide ro Office of the Civil Defense Region 12 sa SOCCSKSARGEN bangud sa dere-deretso nga pagbuhos it uean nga tuga it LPA ag ITCZ.
Suno kay Joremae Balmediano, Information Officer it OCD-12, ro mga pinaka apektadong lugar hay ro mga banwa it Malapatan ag Alabel sa Saranggani Province, General Santos City ag banwa it Sto. Nino sa South Cotabato.
Nakaangkon man it landslide sa pilang lugar sa Saranggani kun sa siin apektado kara ro mga pananum it mga mangunguma, kabaeayan ag pilang mga imprastruktura kapareho it tulay ag iba pa.
Insigida man nga nagtau it bulig ro kada LGU sa mga apektadong pamilya.
Sa makaron hay nagapadayun ro damage assessment sa kahalitan nga gin-aywan it kalamidad.
