-- ADVERTISEMENT --
KALIBO, Aklan–Kumpiyansa ro mga democrats nga indi makaapekto sa trabaho ni US President Joe Biden ro pagbuoe it mga doktor it sangka cancerous nga nina sa anang panit ko nagtaliwan nga buean.
Ro cancerous tissue hay madinaeag-eon nga nabuoe ag indi eon kinahang-ean pa nga magpabueong it presidente.
Nadiskubre eamang raya kat magpaidaeom sa regular check-up ro 80-anyos nga US President.
Ginpahayag ni Bombo International Correspondent Greg Aguilar nga ro skin cancer hay masami nga nae-eksperyensyahan it mga tawo sa Amerika kung sanda hay nagakagueang eon.
Samtang, owa man kara ginaduea ro posibilidad nga gamiton it republicans ro nasambit nga isyu para sa andang personal nga interes eabi eon ro may ambisyon nga magsueod sa pulitika.
-- ADVERTISEMENT --
