Ginsugo it Philippine amusement and gaming corporation ro pagpasara sa magsobra 7,700 mga ilegal nga online gaming websites sa nasyon.
Suno kay PAGCOR Chairman Alejandro Tengco, halin kat magpungko imaw sa pwesto, naireport eun nanda nga naga-abot sa 7,747 nga illegal operators it mga online game sa mga natungdan.
Pahayag pa it ahensya nga tanan nga mga illegal online gaming sites sa nasyon hay ginamonitor nanda halin pa ku 2022.
Kaibahan sa andang mga ginatutukan hay ro mga e-sabong, Facebook ads, mobile applications, offshore sites.
Halin sa magsobra 7k nga illegal nga pasugaean online, gaabot sa 5,793 o katumbas it 74.78 ro daeayon eun nga nablocked.
Gaabot man sa 1,954 nga illegal online gaming websites ro nagapabilin nga aktibo ag padayon nga naga-operate.
Padayon man ro pakikipag-angot it PAGCOR sa mga mobile payment app para indi sugtan ro mga raya nga makagamit it andang aplikasyon.
