KALIBO, Aklan–Pabor ro political analysts nga si Atty Harry Sucgang sa ginaduso makaron nga “tandem vote” para sa mailihir nga Presidente ag Bise-presidente kada eleksyon.
Suno kana nga tiempo raya makaron nga ginasueong ro pag-amyenda sa konstitusyon.
Ginpahayag dugang nga engkaso kunta nga nagmadinaeag-on imaw sa anang congressional bid ko nagtaliwan nga eleksyon, prayoridad sigon nana ro paghimo it proposed bill angot sa tandem vote ukon block voting bukon eamang sa presidente ag bise presidente kundi hasta sa gobernador ag bise gobernador kamana man sa mayor ag vice mayor kaibahan ro ap-at nga konsehal.
Tuyo kara nga masiguro nga ro mailihir nga mga opisyal sa nasyon hay magkaalyado agud nga masiguro ro pagbueuligan it kada isaea sa pagpadaeagan it administrasyon.
Samtang, pabor imaw nga ro pamaagi it pagboto sa pag-amyenda it konstitusyon hay ro concon ukon constitutional convention agud nga makapili it mga delegado.
Sa pihak nga parte, gusto man ni atty sucgang nga duea-on eon ukon bag-uhon ro partylist system sa idaeum it 1987 Constitution.
Gin-abuso sigon raya it mga gamhanan nga pulitiko kun sa siin ginakabig raya nga back door entry nanda kongreso.
