KALIBO, Aklan—Ginahueat eon lang it Department of Public Works and Highways ukon DPWH Region 6 ro sabat it national office sa pag-obra it feasibility study sa pag-contruct it tadlong nga karsada sa ginbansagan nga killer highway sa Barangay Igbucagay, Hamtic, Antique.
Suno kay DPWH 6 Regional Director Engr. Sanny Boy Oropel, posibleng sa 2025 pa raya mapursige sa oras nga makaangkon it pondo.
Sa pihak kara, ginpahayag ni Oropel nga nagapadayun ro andang ginahimo nga pagpaeapad it karsada sa pilang section it Iloilo – Antique road sa lugar it Hamtic para madecongest ro trapiko.
Nauna eon nga gin-request ni Governor Rhodora Cadiao ro pagbutang it tadlong nga karsada sa Hamtic area para malikawan ro anuman nga disgrasya sa ginabansagan nga killer highway nga makabig nga zigzag sa Barangay Igbucagay, Hamtic, Antique kasunod it nag-eontad nga aksidente ko nagtaliwan nga Disyembre 2023 nga ginkamatay it 19 nga katawo ag ginkanina it maabu nga iba pa.
