KALIBO, Aklan–Mabahoe nga bulig agud nga mas pang magtaas ro tourist arrivals sa Boracay matapos nga napabilin it isla ro Top 10 spot sa “Favorite Islands in the World 2023” list it Travel + Leisure Magazine.
Suno kay malay tourism office head felix delos santos nga malipayon sanda bangud nga nataeupangdan eon man ro kaanyag it boracay partikular ro maputi ag pino nga baeas.
Naka-pwesto ro isla sa ika-10 kaibahan ro Great Barrier Reef Islands it Australia ag Maldives.
Dugang pa ni delos santos nga sa top 25 nga best islands hay ro Boracay eamang ro nakasueod halin sa Pilipinas.
Ro resulta it listahan hay base sa ginpatigayon nga survey sa mga readers it nasambit nga bantog nga magazine.
Nakabo-oe ro Boracay it score nga 92.94%.
Ginbansagan ro Boracay it mga readers bilang “island that never sleeps” bangud sa mga parties ag nightlife.
Gintawag man raya it iba bilang ‘the best leisure vacation destination.’
Madumduman nga ko nagtaliwan nga dag-on, una sa ika-9 nga pwesto ro Boracay sa nasambit nga listahan.
