KALIBO, Aklan—Ginkalipay ni Kalibo sangguniang bayan member Augusto Tolentino, chairman it committee on senior citizens ro eubusan nga pagpirma ni Presidente Ferdinand Marcos Jr., bilang laye sa Republic Act 11982 nga nagatau it dugang nga benepisyo sa mga katigueangan.
Suno kana nga raya hay nagakahueugan nga makabaton it dugang nga insentibo ro mga senior citizen nga octogenarians ag nonagenarians.
Sa idaeum it laye, magabaton it P10,000 ro mga senior citizen nga naka-abot sa edad nga 80, 85, 90 ag 95 anyos.
Ginklaru dugang nga ro mga maka-abot sa edad nga syen anyos hay makabaton mat’a gihapon it nakataeana nga P100,000 pesos.
Sa kamatuoran suno kana hay nagpasa man imaw it resolusyon nga nagasuporta sa nasambit nga laye.
Suno kana nga ro laye hay bilang respeto ag pagkilaea sa mga katigueangan ag taw-an it kasadyahan ro mga nabilin nga tiempo it andang kabuhi sa kalibutan.
