BUSINESS News —- Doble-kayod eon ro DTI agud nga dumaeahan ro pagsueod it Space X ukon Space Exploration technologies corporation sa nasyon agud nga magtau it internet service.
Raya hay kasunod man it pagpabugae it DTI nga ro Pilipinas ro kauna-unahan sa southeast asia nga maga-avail it Starlink, ro low earth orbit satellite network constellation it Space X.
Ro nasambit nga technology hay magatau it high speed satellite broadband connectivity sa mga customer partikular sa mga maeayong lugar nga owa pa naabot it komunikasyon.
Sa makaron hay nagabilog eon ro Starlink it local Filipino entity nga imaw ro magiging wholly-owned subsidiary ag target kara nga mag-deploy it tatlong gateways sa first phase it launching.
Kumpiyansa si Lopez nga ro Space X/Starlink sa nasyon hay magiging yabe sa mas madasig nga broadband speed, mas manami nga connectivity ag capacity para sa telecommunications services ag mas barato nga rates para sa customers.
