Ginaduso makaron ni Senator Loren Legarda ro pagtukod it Aklan Piña Museum and Cultural Center sa banwa it Kalibo agud nga mapabilin ag mas pa nga ma-promote ro paghaboe it tela nga himo sa piña bilang kaparte it Kulturang Akeanon culture.
Ro Senate Bill Number 2583 ukon Aklan Piña Museum and Cultural Center Act hay nagatuyo man nga mapabaskog ro kita it mga manughaboe ag makahimo it dugang nga trabaho pinaagi sa pag-obra ag pagbaligya it Piña products.
Ginaeauman nga makabulig man raya nga mapabaskog bukon eamang ro kultura kundi ro ekonomiya man sa rehiyon.
Ro nasambit nga hagna hay presenteng naka-pending sa second reading.
Madumduman nga ro paghaboe it piña sa Aklan hay naeakip sa listahan it 600 nga mga tradisyon sa bilog nga kalibutan it United Nations Educational, Scientific and Cultural Organization ukon UNESCO.
Ginkilaea raya bilang importanteng heritage of humanity it UNESCO.
