MASINLOC, Zambales — Magapatigayon it forum sa Nobyembre 7 ro grupo it mga mangingisda sa Candelaria, Zambales agud makahimo it tikang para makabulig sa mga apektadong mangingisda kasunod sa halit it sumadsad nga barge nga may kargang carbon sa kasagsagan it nagtaliwan nga Bagyong Kristine.
Sa interview it Bombo Radyo kay Joey Marabe, Provincial Coordinator it PAMALAKAYA Zambales, handom nandang maayudahan ro kaparehong mangingisda bangud sa uwa nakapaeaot ro mga raya matapos nga naapektuhan ro lamang-dagat ag nasamad ro mga coral reefs sa lugar.
Dugang pa ni Marabe, gusto nandang paeksplikaron ro mga natungdan kon ham-an it ginpasugtan raya nga mag-eayag sa keawran nga may paeag it maeian nga panyempo kon sa siin daeayon nga nag-eogdang ro barge bangud sa napuno raya it tubi kat hampakon it maeagkong baeod ag na-uea ro kapin sa 11 metrikong tonelada it carbon nga naging rason it discoloration it tubi-dagat.
Pila sa mga karbon sa Masinloc ro naanod eon sa baybayon samtang ro iba hay nagapabilin sa idaeom it tubi-dagat nga eubusang nakaapekto sa pangabuhian it mga mangingisda sa lugar.
