KALIBO, Aklan—Nagpaabot it reklamo sa Bombo Radyo Kalibo ro sangka pamilya matapos nga uwa kanda ginpasayod ro findings ko masakit it andang himata nga namatay.
Ginkilaea ro namatay nga si Jeffrey Dalida ag residente it Brgy. Puis, New Washington, Aklan.
Suno kay Sancho Dela Cruz, tiyo it namatay ag residente it Brgy. Pusiw, Numancia, Aklan nga owa sanda pagtaw-i it nagakaigo nga proteksyon it doktor nga nagtatap sa andang paryente matapos masayuran nga makataeapon nga sakit ro kinamatay it anang gumankon.
Gusto eamang sigon nandang mataw-an it kaklaruhan ro natabo.
Ginpahayag dugang nga mismo pa ro embalsamador ro nagpasayod kanda nga may sakit nga makataeapon ro anang gumankon kon sa siin ginlaygayan sanda nga ipaeobong gilayon raya agud nga inde eon magkalhit ro virus.
Ro anda eamang nga ginahinyo makaron hay mataw-an sanda it nagakaigo nga proteksyon sa andang ikaayong eawas sa kahadlok nga base matapnan sanda it nasambitang sakit.
