-- ADVERTISEMENT --
Nagtaas ro morale it Armed Forces of the Philippines (AFP) matapos dayawon ni Pangueong Ferdinand Marcos Jr., ro andang mga accomplishments eabi eon sa andang kampanya kontra sa local insurgency ag pag depensa sa teritoryo it nasyon.
Partikular nga gintumod ni Pangueong Marcos ro inde matupungan nga kaisog nga ginpakita it mga soldado para protektahan ag depensahan ro nasyon kontra sa mga kaaway.
Uman nga gin-insister it presidente nga padayon ro pagtao it suporta it gobyerno sa Sandatahang lakas it Pilipinas eabi eon sa pag adopt sa mga bag-ong estratehiya kontra sa cybersecurity.
Ginpunto dugang it punong ehekutibo nga importanteng makaangkon it kasayuran ro mga soldado sa cybersecurity.
