Gindepensahan ni Pangueong Ferdinand Marcos Jr. ro uwa pagtao it zero budget sa Philhealth.
Ginpahayag it presidente nga maabong reserbang pondo ro Philhealth nga nagabalor it P500 bilyon pesos.
Kon ro serbisyo eamang ro kinahang-ean pondohan it Philhealth sa sueod it sang dag-on hay inde sigon raya mag-abot sa P100 billion pesos.
Ro gastuson mat-a it Philhealth hay masobra sa P100 bilyon pesos eamang rason nga mabahoe gihapon ro mabilin nga reserbang pondo it ahensya.
Rason nga ginbawi it Department of Finance ro pondo it Philhealth bangud sa nagtaliwan nga daywang dag-on hay mabahoe ro uwa nagamit bangud nga ro subsidiya it gobyerno sa Philhealth hay nagakatengga eamang sa andang bank account.
Nagapati ro punong ehekutibo nga masarangan it philhealth nga solusyunan ag sustentuhan ro tanan nga andang gaeastuson, serbisyo ag kinahang-eanon.
