Ginlunsar ni Pangueong Ferdinand Marcos Jr, ro Agri-Puhunan ag Pantawid Program it gobyerno kat ginbisita nana ro probinsiya it Sarangani sa Mindanao nga inisyatibo it Department of Agriculture (DA) ag Development Bank of the Philippines (DBP).
Tuyo it programa nga buligan ro mga mangunguma nga ginakabig it Punong Ehekutibo bilang haligi it ekonomiya it nasyon bangud sa andang importanteng parte para maangkon ro food security it nasyon.
Ginpunto pa it Punong Ehekutibo nga ro nasambit nga programa hay gindisenyo para masabat ro mga hangkat nga ginapangatubang it agricultural sector partikular ro mataas nga interes it pagpautang, limitadong access sa mga masarangan ag dekalidad nga mga kagamitan sa pagpanguma.
Sa Agri-Puhunan ag Pantawid Program, ro mga mangunguma hay maka-utang it hasta sa P60,000 sa manabang annual interes rate nga kapin sa 2 percent.
