KALIBO, Aklan–Nag-umpisa eon nga magpatuman it panibag-ong dugang sa presyo it kada litro it produktong petrolyo kainang agahon ro mga gasolihan sa nasyon.
Suno kay Jhon Vic Martinez, cashier it Sea oil Gasoline Station nga kapin sa P1.65 ro gintaas sa kada litro it andang diesel samtang P0.50 sa gasolina.
Bangud kara, sumaka eon sa P88.10 ro presyo it kada it andang special gasoline, P87.35 sa unleaded ag P93.50 sa kada litro it diesel.
Aminado si Martinez nga may pilang motorista gihapon nga padayun nga nagareklamo sa sigidas nga pagsipa it petrolyo.
Samtang, ginpaathag man kara nga nagapabilin nga maabu gihapon ro andang parokyano bangud sa andang ginatao nga diskwento sa mga tricycle driver it Poblacion, Kalibo nga miyembro it TODA, franchise holder ag may lisensya.
Kada buean sigon hay may ginatao sanda nga P4 nga discount sa mga natungdan nga driver nga nakadepende sa andang natipon ukon kaabu it litro it ginpatayon nga gasolina.
Pwede sigon raya nga mabuoe it cash ukon ibawas sa pagpa-gas.
