KALIBO, AKLAN —- Gina-require ro tanan nga mga pasahero sa caticlan jetty port nga mag-angkon it manipesto.
Suno kay Mr. Nieven Maquirang, Caticlan Jetty Port Administrator nga kinahang-ean nga ro tanan nga mga pasahero eabi eon sa night navigation ukon pang gabie nga byahe.
Kinahang-ean man sigon nga may ID sanda nga maipakita agud nga masiguro nga sanda ro sa manipesto.
Raya sigon ro andang gin-istoryahan sa pueong nanda kaibahan ro Philippine Coast Guard nga gina-require ro mga magasakay sa mga express hay may manipesto.
Paga-sikyaron man pinaagi sa andang mga IDs kung sanda gid man ro nakapangaean sa andang manipesto.
Dugang ni Maquirang nga maabo ro andang naobserbahan nga sa pagmanifest hay eain ro ginagamit nga pangaean.
Kinahang-ean sigon nga ro matuod nga pangaean ro ibutang sa manipesto.
Iga-implementar man sigon raya sa mga Ro-Ro vessels.
Iga-require man suno kay Maquirang ro mga pasahero nga magasakay sa barko hay may igapakitang ID.
