KALIBO, Aklan—Bangud sa gail warning nga gin-abiso it Pag-Asa, nagpatuman ro Philippine Coast Guard it kanselasyon sa byahe it mga motorbanca maghalin sa Caticlan Jetty Port paadto it Hambil Port, San Jose ag Sta. Fe Port, Sta. Fe, Romblon kamana man kanselado ro mga water sea sports activities sa isla it Boracay.
Suno kay Senior Chief Petty Office Dominador Salvino it PCG Aklan nga raya hay para masiguro ro kaeowasan it mga magaeayag bangud nga posibleng magabaskog ro baeod sa kaeawran tuga it naga-iral nga Low Pressure Area ag hanging amihan.
Close monitoring sigon makaron ro PCG sa mga kaeawran ag insigida man nanda nga bawion ro kanselasyon it byahe sa oras nga magtawhay ro panyempo.
Samtang, nagapabilin ro 24 oras nga byahe it mga motorbanca patabok sa isla it Boracay vice versa.
Nag-apela man raya sa mga mangingisda nga may maintok nga baroto nga likawan anay ro magpaeot bangud sa namonitor nga mabaskog nga baeod sa kaeawran ag mga pagbugso-bugsong uean tuga it LPA.
