KALIBO, Aklan—Nagapadayon ro monitoring it Provincial Drug Enforcement Unit (PDEU) Aklan sa mga nasayuran nga sigidas gihapon nga naga-engage sa illegal nga droga.
Suno kay Police Major Frenzy Andrade it PDEU Aklan, maskin may pandemya hay uwa sanda nagapundo sa anda man nga kampanya kontra sa illegal nga droga maskin aminado sanda nga naghina ro pagsueod it supply sa Aklan sa tyempo it lockdown tuga it Covi-19.
Apang sa makaron sigon nga mas pang ginhaeogaan ro quarantine hay nag-amat-amat eon man ro mga iligalista sa andang negosyo ag bisyo.
Ginpasiguro ni Andrade nga madakpan gid ro mga raya bangud nga uwa sigon nagapundo ro mga otoridad sa pagmanman kanda.
May kaangtanan kara, uman nga nagpadumdom sa publiko si Andrade nga uwa it mayad nga maitao sa pamilya ro sigidas nga pagsueod sa illegal nga bisyo ag hasta nga inde sigon mabueong ro sangka indibidwal nga nagadepende sa droga hay uwa it mayad nga puturo nga madangtan.
Nauna kara, nasakote nanda ro maglive-in partner nga taga-Altavas matapos nga mabak-ean it marijuana ag nadakpan pa it pilang puno it marijuana nga nakatanom sa andang kilid it baeay.
