KALIBO, Aklan—Sa pihak it maueanon nga tiempo, padayun ro ensayo it Western Visayas pencak silat team para sa pagsabak nanda sa aksyon sa Palarong Pambansa 2023 nga maga-umpisa sa Hulyo 30.
Suno kay Cherry Mae Regalado, trainer it pencak silat nga sa napueo nga players, pito ro naghalin sa aklan ag tig-sambilog ro Roxas, Iloilo ag Antique.
Magasabak ro team it pencak silat sa torneo sa Agosto 1 hasta 4 sa pagdumaea it daywang ka coach.
Angot kara, ginpasiguro nana nga eowas ro mga atleta sa andang billeting areas kun sa siin hugut ro pag welcome kanda it lokal nga gobyerno it Marikina ag mga manugturo.
Sa pihak it mabahoe nga expectation sa nasambit nga team, owa sigon sanda nagatau it pressure basta nga ginatugyan eamang nanda sa mga atleta nga mag focus sa training ag mag enjoy sa andang gina-obra.
