Nagapati si Pangueong Ferdinand Marcos Jr., nga mabahoe nga bulig para mapabaskog pa ro interoperability it Philippine ag US forces kasunod it pagpirma sa General Security and Military Information Agreement.
Ro nasambit nga kasugtanan hay ginpirmahan nanday US Defense Secretary Lloyd Austin ag Defense Secretary Gilberto Teodoro sa Kampo Aguinaldo sa Quezon City.
Ginpahayag ni Austin nga sa pinaagi it nasambit nga kasugtanan hay kapin pang mapabaskog ro real-time information sharing sa tunga it Philippine ag US forces.
Sa pagbisita ni Austin sa Malakanyang hay maabong mga bagay ro andang naistoryahan ni Pangueong Ferdinand Marcos kaibahan eon kara ro nagkaeain-eain nga isyu nga ginapangatubang it nasyon.
Samtang, gin-inagurahan ni Austin ro pagpatindog it Combined Coordination Center (CCC) nga kapin pang magapalig-on sa relasyon it Pilipinas ag Amerika.
Ro Combined Coordination Center hay nagasimbolo sa madaeom nga kaangtanan it Pilipinas ag Amerika.
