KALIBO, Aklan–Ginklaro it 3rd Infantry Division it Philippine Army nga bukon it giyera ro andang tuyo sa pagbutang it pilang ka mga soldado sa bahin it C. Laserna Street, Brgy. Poblacion, Kalibo kundi kaparte eamang it Civil Military Operation Enhancement Training.
Suno kay Staff Sergeant Mallan Mendoza nga tuyo it andang deployment sa lugar nga sanayon ro mga soldado nga makipag-istorya sa mga pumuoeyo ag makibuylog sa trabaho it gobyerno.
Gusto sigon nanda nga taw-an it oras ro pagtutok sa mga programa para sa marginalized sector.
Sa kamatuoran suno kana hay ginpadaea sanda it gobyerno para magtao it serbisyo para sa mga pumueoyo.
Kapin sa 40 ka mga soldado sigon ro andang gin-deploy sa lugar para mag-training it non-violent communication.
Sa maabot sigon nga adlaw it Sabado hay may pagahiwaton sanda nga hinun-anon para sa mga senior citizen nga maga-umpisa it alaas-8:00 it agahon.
Nag-apela man raya sa pilang indibidwal nga nagapakalhit it saea nga impormasyon angot sa andang matuod nga aktibidad sa lugar.
