KALIBO, Aklan–Pabor ro Philippine Press Institute sa proposisyon it presidential task force for media security nga duea-on eon ro mga mamamahayag sa mga ginapatigayon nga anti-drug operations it kapulisan.
Suno kay Ariel Sevilleno, executive director it Philippine Press Institute nga sa kamatuoran antes pa man ro panawagan it PTFoMS sa manabang kapueongan it kongreso nga amyendahan ro republic act 9165 ukon comprehensive dangerous drugs act of 2002 partikular ro pagtaeana sa mga katapo it media nga magsunod sa mga anti drug operations agud nga mag testigo, may anda eon nga mga kaparehong kampanya kato angot kara.
Paborabli sigon raya sa mga mamamahayag bangud nga mabawasan ro peligro sa andang kabuhi.
Ginpahayag dugang nga owa man sigon nagakahueugan nga kon owa it presensiya it katapo it media hay indi eon magtau it impormasyon ro mga kapulisan.
Gin insister pa kara nga kon may mga kwestiyon sa operasyon it pulis, dapat nga maging haum ro PNP sa pagpresentar it mga nagakaigo nga dokumento partikular ro recording it andang body camera nga required eon makaron sa mga operatiba sa kada may ginakasa nga mga operasyon.
