Nagpaguwa it panibag-ong alegasyon ro pilang nagpakilaeang dating bodyguard ni dating Ako Bicol Party-list Representative Zaldy Co, nga naga-konekta sa pilang opisyal it gobyerno ag media personalities sa pagbaton sigon it kwarta.
Sa sangka press briefing ku Hunyo 16, ginpakilaea ro mga bag-ong testigo nga naghambae nga naka-intra sanda sa pag-hatod it mga maleta ag paper bag nga may sueod nga kwarta sa pilang personalidad, kaibahan sanday dating House Speaker Martin Romualdez, Senator Erwin Tulfo, ag Senator Francis Escudero.
Kaibahan man sa mga ginbulgar ro pangaean ni COMELEC Chairperson George Garcia, nga mahugot nga ginpamalibaran ro pasibangud ag gintawag rayang uwa it kamatuoran.
Nagpakita man it mga litrato ro mga testigo nga may kaangtanan sigon sa andang mga pahayag, kaibahan sanday Senator Kiko Pangilinan ag Sharon Cuneta kaibahan ro pilang tawuhan ni Co, nga insigida man nga ginpamalibaran it aktres ag ginkabig nga uwa it basehan.
Gin-iba man sa mga akusasyon ro pilang media personalities kapareho nanday Arnold Clavio ag Mon Tulfo, nga kapwa mahugot nga ginpamalibaran man ro pasibangud ag ginhangkat ro mga nag-pasibangud nga magpakita it ebidensya.
Padayon gihapon nga ginabue-an it pahayag ro mga nasambit nga personalidad samtang nagaeawig ro kontrobersiya.
