Nagapahaom eun ro nagkaeain-eain nga airline companies sa tyempo it All Saint’s Day ag All Souls Day o Undas.
Suno sa mga nagkaeain-eain nga airline companies nga nagadugang eun sanda it bookings.
Ginasaligan abi nanda nga maabo ro maga-uli sa nasambit nga adlaw bangud nga nasakto man raya sa weekends.
Ginlaygayan man nanda ro mga pasahero nga dapat habaan ro pasensya bangud ginasaligan ro pag-abo it pasahero sa nasambit nga tyempo.
Kun mahimo sigon hay indi magdungan sa adlaw mismo it bakasyon agud indi magkipagdutdutan pa.
Una eun nga gin-ako it Civil Aeronautics Board (CAB) nga may pilang airline companies eun man ro nagdihon it dugang presyo sa andang pamasahe bangud sa ginasaligan nga pagtaas it sukot it bag-ong private operator it Ninoy Aquino International Airport.
