Nagapati ro pilang mga pumueuyu sa Amerika nga pagaminatud-on ni US President Donald Trump ro anang paeag kontra sa Iran.
Raya ro ginpahayag ni Pacito “Kitz” Teodosio, Bombo International News Correspondent sa Los Angeles California.
Nasayuran nga nagpanindugan si Trump nga pinal eon ro anang 8 p.m. Tuesday deadline ukon Miyerkules it gabi-i sa Amerika para magpasugot ro Iran nga uman nga buksan ro Strait of Hormuz.
Ginpahayag ni Teodosio nga gin-insister sigon ni Trump nga kon owa it mahuman nga kasugtanan, mapaea ro kada tulay sa Iran ag ro kada power plant sa nasambit nga nasyon hay magiging “out of business, kun sa siin raya hay masunog, masabog ag indi eon mapuslan it uman.”
Ro nasambit nga pahayag ni Trump hay insigidang ginkontra it top joint military command it Iran ag gintawag raya nga “delusional,” kamana man nga ginbansagan ro anang mga paandam bilang bastos, arogante, rhetoric ag owa it basehan.
Nagpaandam man ro Iran nga magabaeos matapos ro pag-atake sa Sharif University of Technology sa Tehran ko adlaw it Lunes it aga-aga.
Nahalitan sa pag-atake ro sangka artificial intelligence data center ag iba pang pasilidad.
