KALIBO, Aklan—Mabahoe ro pagpati it pilang ka mga pulitiko sa probinsya it Aklan nga magasanib-puwersa ro partido ni dating Senator “bongbong” Marcos ag ro partidong PDP-Laban ni Pangueong Rodrigo Duterte para sa nagahieapit nga 2022 national and local elections.
Suno kay Aklan 1st District Sangguniang Panlalawigan Member Atty. Nolly Sodusta nga owa it maging problema kung magbuylog ro daywang partido.
Posible man sigon nga indi eun madayun pa ro partidong PDP-Laban rason nga si Davao City Mayor Sara Duterte-Carpio sigon ro posible nga magiging Bise Presidente ni Bongbong Marcos.
Sa pihak nga parte ginklaro ni Sodusta nga ro anang ginasuportahan nga partido hay ro Partido Reporma ni Senator Ping Lacson.
Ro mga kaibahan na man sigon sa oposisyon hay may tagsa- tagsa ka partido nga ginasuportahan.
Nasayuran nga si Sodusta hay magapailihir bilang Vice Governor it probinsya sa idaeum it partido ni dating Kalibo Mayor ag Gubernatorial aspirant William Lachica.
