KALIBO, Aklan—Ginpasarado it lokal nga gobyerno it Malay ro pilang seafood restaurants sa isla it Boracay bangud sa owa pagsunod sa permit requirements.
Suno kay Kathrine Licerio, tagapaghambae it LGU Malay nga ko Setyembre 14 hay ginmandu ni malay mayor frolibar bautista ro pagpasarado sa mga raya.
Kasunod it nag-viral nga video it sangka pinay kaibahan ro anang foreigner nga boyfriend angot sa gina alegar nga overpriced nga pagkaon ag pamasahe sa e-trike sa isla, insigidang nagpatigayon it imbestigasyon ro LGU-Malay ag natukiban nga owa gihapon nag-comply ro nasambit nga mga establisimento sa pihak nga tatlong beses ro mga raya nga ginpadaehan it demand letter nga ro pinaka-ulihi hay ko buean it Agosto.
Kaibahan sa ginpasarado hay ro seafood restaurant nga ginkan-an it magnobyo sa may D’ Talipapa kun sa siin natukiban nga mag-eowas sa kakueangan it permit hay bukon it official receipt ro andang gina-isyu.
Dugang pa ni Licerio nga raya ro kaeabanan nga bayolasyon it mga ginpasarado nga mga business establishments.
