KALIBO, Aklan — Nag-umpisa eon nga magbisita ro pilang mga indibidwal sa andang mga mahae sa kabuhi nga nagtaliwan eon sang adlaw antes ro Pista Minatay.
Sambilog eon kara si alyas Norma nga nag-agto sa Kalibo Municipal Cemetery agud nga limpyuhan ag sindihan it kandila ag haearan it bueak ro nitso it anang mga in-laws kamana man ro anang apo nga kambal nga namatay matapos nga gin-unga.
Gin-tempranuhan sigon nanda ro pagbisita agud nga malikawan ro pagbuhos it mga tawo.
Ginpahayag dugang nga ginaeauman ro pag-uli it iba nanda nga mga igbata halin sa Metro Manila kun sa siin ro Pista Minatay hay nagaserbi man nanda nga reunion rason nga owa nanda ginakalipatan nga mag-eaha it pagkaon nga panghanda.
Madumduman nga umpisa ko adlaw it Huwebes, nag-umpisa eon ro deployment it kapulisan sa mga nagapangunang sementeryo apang magiging full force ro pagpakalhit it kapulisan, adlaw it Biyernes, Oktubre 31.
Makita man ro presensiya it mga katapo it Kalibo Auxiliary Police sa mga sementeryo eabi eon sa Municipal Cemetery ag Medalla Milagrosa Cemetery.
