Gin-aku ni Pangueong Ferdinand Marcos Jr. nga may pilang world leaders ro nagpangutana kana para matumod ro sekreto it Marcos administration sa madasig nga pagbangon maghalin sa epekto it pandemya.
Ro nasambit nga pagpangutana hay natabo sa pagpueong nanda it pilang lider it mga nasyon sa sidelines it Association of Southeast Asian Nations (ASEAN) Summit 2022 sa Cambodia.
Owa eon ginmitlang it pangueo kung sin-o ro mga raya, apang nagabilib sigon ro mga raya sa madasig nga pag-umwad it ekonomiya it Pilipinas.
Una kara, gintamyaw ni Vietnamese Prime Minister Pham Minh Chinh si Pangueong Marcos sa epektibo sigon nga COVID response ag pag-angkon it highest gross domestic product (GDP) growth rate sa Asia.
Madumudman nga nailista it nasyon ro 7.6% nga gross domestic product (GDP), nga nagapakita sa manaming daeagan it ekonomiya.
Sa pihak kara, ginpahayag it punong ehekutibo, bukon imaw it henyo sa ekonomiya, kungdi resulta eamang raya it bueuligan it 107 million nga work force it Pilipinas.
