Gin-istoryahan it Pilipinas ag Japan ro pagduso it joint military exercises sa tunga it Armed Forces of the Philippines (AFP) ag Japanese Self Defense Force (JSDF).
Kaparte raya it mas maeapad nga kooperasyong pandepensa it daywang nasyon nga gintalakay sa Inaugural Japan-Philippines Foreign and Defense Ministerial Meeting sa Tokyo, Japan.
Kaibahan sa nasambitang pueong sanday Japanese Foreign Affairs Minister Hayashi Yoshimasa ag Japanese Minister of Defense Kishi Nobuo; Secretary of Foreign Affairs Teodoro L. Locsin, Jr. ag Defense Secretary Delfin Lorenzana.
Bilang pagpabaskog it relasyong pandepensa it Pilipinas ag Japan, nakasugtanan it mga opisyal ro pagpaeawig it pagsaylo it kagamitang pandepensa ag teknolohiya.
Kamana man ro pagbilog it “framework” para sa mas masami nga “reciprocal visits” sa tunga it mga militar it daywang nasyon.
