Mas nag level-up pa makaron ro partnership sa tunga it Pilipinas ag Japan matapos pirmahan ro Reciprocal Access Agreement (RAA) sa Palasyo it Malakanyang nga ginsaksihan ni Pangueong Ferdinand Marcos Jr.
Suno kay Defense Secretary Gilberto Teodoro ro pagpirma sa Reciprocal Access Agreement hay sangka milestone it pagtinguha agud masiguro ro rules-based international order ag maging ro peace and stability sa Indo-Pacific Region.
Ginpahayag ni Teodoro nga mag-eowas sa ginpabaskog nga kaangtanan sa ekonomiya ag kalakal, dugang pa ro sangka dimension it security aspect para kapin pang magbaskog ro bilateral relations it daywang nasyon.
Gin-insister ni Teodoro nga ro nasambit nga holistic dimension hay magadugang sa multilateral efforts it daywang gobyerno agud masigurong ginarespeto ro rule of international law.
Makaron nga napirmahan eon ro Reciprocal Access Agreement eauman ro mas ginpabaskog nga joint drills and military exercises sa tunga it mga soldadong Filipino ag Japanese.
