Uwa nagakabaeaka ro gobyerno it Pilipinas sa anunsyo ni US President Donald Trump nga bag-ong 10% global import tariff policy.
Suno kay Finance Secretary Frederick Go, ro special assistant for Investment and Economic Affairs ni Pangueong Ferdinand Marcos Jr. ro nagpanguna sa negosasyon para sa dugang nga exemptions ag pagpanaba it tariff rate para sa mga produktong Pinoy nga nagasueod sa America sa 19%.
Madumduman nga ginpirmahan ni Trump ro executive orders nga nagaimponer it bag-ong taripa umpisa sa adlaw it Martes sa idaeom it Section 122 it Trade Act of 1974, nga nagabaylo sa taripa it 10% hasta 50% sa idaeom it 1977 International Emergency Economic Powers Act nga gindeklara it Korte Suprema nga illegal.
Ginpadayon sa pinakabag-ong mga mando ni Trump ro nagairal nga exemptions.
Para sa Pilipinas, kaibahan sa exempted products nga sakop it dating tariff policy hay ro exports it electronics ag semiconductors ag agricultural produce kaparehas it coconuts, pineapples, bananas, ag mangoes.
